У Мінску плануюць абсталяваць навесамі ўсе адкрытыя выхады з падземных пешаходных пераходаў. Праект закране 112 выхадаў на 34 аб’ектах, якія цяпер не маюць абароны ад ападкаў, паведамляе агенцтва «Мінск-Навіны».
Будаўніча-мантажныя работы пачнуцца ўжо ў 2026 годзе. Першымі навесы з’явяцца на праспектах Незалежнасці, Пераможцаў і Партызанскім, пасля чаго работы працягнуцца ў жылых раёнах горада.
Па словах кіраўніка ўпраўлення дарожна-маставога будаўніцтва і ўпарадкавання Уладзіміра Латушкіна, адкрытыя лесвіцы паступова разбураюцца пад уздзеяннем надвор'я. Ім шкодзяць снег, галалёд, механічная ачыстка, а таксама дажджавая вада, якая трапляе ў пераходы з боку праезнай часткі.
Для вырашэння гэтай праблемы распрацаваны тыпавы праект навесаў з металічных канструкцый і шкла. Такія навесы павінны забяспечыць добрую бачнасць і адначасова абараніць лесвіцы ад ападкаў.
Завяршыць работы на праспекце Пераможцаў плануюць да канца 2026 года, а поўная рэалізацыя праекта разлічаная на некалькі гадоў.
Гарадскія ўлады адзначаюць, што навесы дапамогуць не толькі знізіць выдаткі на ўтрыманне падземных пераходаў, але і дазволяць павысіць бяспеку і камфорт для пешаходаў. Чакаецца, што дзякуючы ім на прыступках будзе менш вады і лёду, а людзі змогуць карыстацца пераходамі ў больш зручных умовах падчас дажджу і снегападаў.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары