У Беларусі прапануюць забараніць аказанне паслуг лазняў, саўнаў і арганізацыю забаўляльных мерапрыемстваў на дачных участках у садовых таварыствах. Адпаведны праект указа «Аб удасканаленні дзейнасці садаводчых таварыстваў» падрыхтавала Міністэрства эканомікі і вынесла яго на грамадскае абмеркаванне, якое працягнецца да 18 чэрвеня.
У ведамстве лічаць, што здача дачных дамкоў разам з лазнямі, альтанкамі і зонамі адпачынку фактычна з'яўляецца дзейнасцю ў сферы аграэкатурызму. Паводле дзейных правіл, такія паслугі дазваляецца аказваць толькі ў населеных пунктах.
Калі прапанаваныя змены будуць прынятыя, на землях, прызначаных для калектыўнага садаводства і дачнага будаўніцтва, нельга будзе арганізоўваць камерцыйныя паслугі лазняў і саўнаў, а таксама праводзіць забаўляльныя, спартыўныя і культурна-масавыя мерапрыемствы.
Улады тлумачаць прапанаваныя абмежаванні тым, што садовыя таварыствы першапачаткова ствараліся для калектыўнага садаводства і агародніцтва, а не для вядзення бізнэсу. Яшчэ адной прычынай называюцца шматлікія скаргі дачнікаў на шумныя кампаніі, гучную музыку, вечарынкі і крыкі, якія перашкаджаюць суседзям адпачываць.
Праект змяненняў прадугледжвае і іншыя навінкі. У прыватнасці, плануецца спрасціць перадачу электрасетак у дзяржаўную ўласнасць. Для будаўніцтва або рамонту ліній электразабеспячэння больш не спатрэбіцца выключаць адпаведныя зямельныя ўчасткі з уласнасці грамадзян, як гэта патрабавалася раней.
Акрамя таго, прапануецца змяніць парадак прыняцця рашэнняў аб уключэнні тэрыторыі садовага таварыства ў межы населенага пункта або аб наданні самому таварыству статусу населенага пункта. Калі цяпер для гэтага неабходная згода ўсіх членаў таварыства, то ў будучыні можа хапіць падтрымкі не менш як дзвюх трацін уласнікаў участкаў.
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары
ну першапачаткова да, але часы змяняюцца, і нешта можа трансфармавацца ці змяняць сваё прызначэнне, не? агародніцтва епт
Гуркі расціце, халяльныя. Каб валюту ў краіну здабываць.