Брытанскі штодзёньнік «Daily Mirror» апублікаваў здымак, на якім папулярная мадэлька Кейт Мос ужывае наркотыкі. Гэта стала канцом яе прафэсійнае кар’еры.
Фатаздымкі выклікалі такую навальніцу, што 31-гадовай Кейт Мос пагражае ня толькі разьвітаньне з працай, але і судовая справа. Брытанская паліцыя закідае Мос ужываньне какаіну падчас канцэрту яе каханка-сьпевака Пэтэра Догерці. Гэты факт тым больш праўдападобны, што самога Догерці ўжо лавілі на ўжываньні наркотыкаў.
Мос да нядаўна лічылася ідэальнай мадэлькай для рэклямных фірмаў і агенцый, скіраваных на маладую аўдыторыю. Яе аблічча зьяўлялася ў рэклямах «Шанэль», «Коці», «H&M» і г.д. А цяпер? Пасьля скандалу «H&M» ужо разарвала кантракт з Мос. Ідэалёгія гэтага швэдзкага вытворцы вопраткі — непрыманьне наркотыкаў. Клятвы Мос надалей весьці здаровы лад жыцьця не дапамаглі.
Потым яе напаткала чарговая прыкрасьць. Іншы вытворца вопраткі — «Бурбэры» — абвесьціў, што адмаўляецца выкарыстоўваць аблічча Кейт як свой фірмовы твар. Але да сапраўднай роспачы давёў Кейт Мос францускі дом моды Шанэль.
— Мы не працягнем з мадам Мос кантракт, які скончыцца ў наступным месяцы, — сказаў прадстаўнік фірмы.
Цяпер Кейт мусіць жыць на ашчаджэньні.
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках88
Каментары