У дзіцячым ложку згарэла паўтарамесячнае дзіця 17

Шумілінскі раённы аддзел Cледчага камітэта пачаў праверку па факце гібелі паўтарамесячнага дзіцяці ў вёсцы Нікіціха,

паведаміла афіцыйны прадстаўнік упраўлення СК па Віцебскай вобласці Іна Гарбачова.

На месцы здарэння працуюць следчыя. Ужо прызначаныя судова-медыцынская, пажарна-тэхнічная і хімічная экспертызы. Прычыны пажару, у выніку якога ў дзіцячым ложку згарэла дзіця, хутчэй за ўсё, будуць устаноўленыя толькі пасля праведзеных экспертыз.

Сёння ў 8.24 ў Шумілінскі райаддзел па надзвычайных сітуацыях паступіла паведамленне аб здарэнні ў кватэры ў вёсцы Нікіціха.

Дачка прыехала з 1,5-месячным дзіцем у госці да маці. На момант узнікнення пажару гаспадыня кватэры і яе сын былі на працы. У доме знаходзіліся маці дзіцяці, яе сястра і дзеці.

Калі жанчына зайшла ў пакой, то пабачыла, што дзіця гарыць у ложку. Пры гэтым агнём была пашкоджана толькі частка ложка.

На крыкі прыбегла сястра і заліла вадой полымя. Выратаваць жыццё дзіцяці было ўжо немагчыма.

БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ