Як паведаміў БелаПАН пракурор Драгічынскага раёна Васіль Гарагляд, гэта здарылася 15 снежня ў адной з вёсак, дзе загінулая жыла ў прыватным доме разам з мужам і чатырма малалетнімі дзецьмі.Паводле слоў мужа, прыблізна ў 16.00 жонка паклала дзяцей спаць і выйшла з дому. Прыкладна праз 20 хвілін мужчына пайшоў па дровы ў павець і знайшоў там жонку. Яна вісела ў пятлі.
За апошнія некалькі месяцаў жонка двойчы спрабавала пакончыць жыццё самагубствам, расказаў яе муж.
Жанчына знаходзілася ў адпачынку па доглядзе за дзіцем, яе муж нідзе не працуе.У гэты час іх дзеці 2008, 2009, 2010 і 2012 гадоў нараджэння змешчаны ў сацыяльны прытулак.
Акалічнасці здарэння ўстанаўлівае Драгічынскі раённы аддзел Следчага камітэта.
Каментары