У дадатак да падаражэння на 20% з пачатку года.
Кампанія «Белтэлекам» з 18 студзеня 2013 года павялічвае свае тарыфы ў сярэднім на 10%. Змены будуць закранаць паслугі па прадастаўленні інтэрнэту, лічбавага тэлебачання і тэлефоннай сувязі.
Новыя дакладныя тарыфы яшчэ не агучаныя. Аднак
калі перад 1 студзеня безлімітны доступ да інтэрнэту «Дамасед» на хуткасці 1 Мб/с каштаваў 59 400 рублёў, то пасля 18 студзеня будзе каштаваць каля 78 тысяч рублёў.Фактычна рост цаны дасягне 32%.
«Кампанія „Белтэлекам“ прытрымліваецца пазіцыі максімальна магчымага стрымлівання росту цэнаў. Аднак далейшае развіццё тэлекамунікацыйных тэхналогій і забеспячэнне гарантавана высокай якасці паслуг немагчыма без мадэрнізацыі сеткі, набыцця сучаснага абсталявання, распрацоўкі найноўшых тэхнічных рашэнняў. Гэта змушае кампанію унесці змены ў кошт некаторых паслуг электрасувязі, даводзячы яе да ўзроўню кампенсацыі выдаткаў», — паведамляецца ў заяве.
Нагадаем,
з 1 студзеня 2013 тарыфы «Белтэлекама» і іншых правайдараў выраслі на 20%.
Цяпер чытаюць
«Патрабавалі, каб я з калегамі пры дзецях па-беларуску не размаўляла». Ці сутыкаюцца беларускамоўныя з булінгам у краіне10
Каментары