Увечары 10 студзеня супрацоўнікі міліцыі з’явіліся на спектакль «Родныя і блізкія».
Пра гэта паведаміў у фэйсбуку рэжысёр Свабоднага тэатра Уладзімір Шчэрбань.
«Толькі што пачалі спектакль „Родныя і блізкія“. Перад пачаткам, нібы ў навагоднім ранішніку, з’явіўся… не, не Дзед Мароз, а, вядома ж, наша доблесная міліцыя. Перапісалі пашпартныя дадзеныя ўдзельнікаў, пасля чаго сышлі. І на тым дзякуй, хоць маглі б ужо і запомніць. Хтосьці добра сказаў: „Усё ваша новае жыццё — гэта толькі працяг старога“. Дакладней і не скажаш. З Новым годам, таварышы», — напісаў рэжысёр.
Нагадаем, што супрацоўнікі міліцыі цягам апошняга месяца прыходзілі на спектаклі БСТ тройчы і перапісвалі пашпартныя дадзеныя гледачоў.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы80
Каментары