Мікалай Уласевіч
У панядзелак Віленскі акруговы адміністрацыйны суд ануляваў рашэнне Дэпартамента міграцыі, якія забараніў уезд у Літву жыхару Астравеччыны Мікалаю Уласевічу -- актывісту руху супраць АЭС.
Суд не знайшоў пацверджання таго, што Уласевіч можа несці пагрозу дзяржаўнай бяспецы ці грамадскаму парадку.
Уласевіч быў запрошаны прыняць удзел у дыскусіі аб ядзернай энергетыцы 23 верасня ў Вільні ў парламенце. Аднак літоўскія памежнікі не пусцілі Уласевіча ў краіну.
Літоўскія службовыя асобы афіцыйна не каментуюць матываў, па якіх забаранілі яму ўезд у Літву.
Сам Уласевіч не ўдзельнічаў у пасяджэнні суда ў панядзелак, але яго адвакат сказаў, што задаволены рашэннем суда. Суд прысудзіў на карысць Уласевіча 100 літаў (3 млн 300 тыс. рублёў) выдаткаў на судовае разбіральніцтва.
![Клас Клас](https://nashaniva.com/images/reactions/reaction-like.png)
0
![Панылы сорам Панылы сорам](https://nashaniva.com/images/reactions/reaction-facepalm.png)
0
![Ха-ха Ха-ха](https://nashaniva.com/images/reactions/reaction-smile.png)
0
![Ого Ого](https://nashaniva.com/images/reactions/reaction-omg.png)
0
![Сумна Сумна](https://nashaniva.com/images/reactions/reaction-sad.png)
0
![Абуральна Абуральна](https://nashaniva.com/images/reactions/reaction-anger.png)
0