23 сакавіка і 13 красавіка.
Турагенцтва “Дэльфін Груп” пачынае цыкл унікальных вандровак "Шляхамі 1863 года", прысвечаных 150-годдзю паўстання 1863--1864 г. і памяці яго кіраўнікоў -- ураджэнцаў Беларусі Кастуся Каліноўскага і Рамуальда Траўгута.
Нашы вандроўкі дадуць Вам магчымасць пабываць на месцах баёў паўстанцаў з царскімі войскамі, ушанаваць памяць герояў, наведаць месцы, дзе беларуская зямля нарадзіла і выхавала сваіх знакамітых сыноў.
23 сакавіка -- першае падарожжа.
Ён пройдзе па Гродзеншчыне.
Экскурсанты выправяцца з Мінска ў мястэчка Свіслач з былым палацам Тышкевічаў, гімназіяй, дзе вучыліся браты Каліноўскія, пабачаць помнікі Траўгуту і Каліноўскаму, магілу Віктара Каліноўскага, местачковую забудову, падмуркі сядзібы Каліноўскіх у Якушоўцы.Далей будзе Поразава з касцёлам і царквой ХІХ ст., пахаваннямі паўстанцаў, сядзібай Бутаўт-Андрэйкавічаў, Лыскава, каля якога адбылася бітва паўстанцаў з царскімі войскамі. Тамсама можна агледзець касцёл ХVIII cт., унікальную царкву ў "закапанскім" стылі, магілу Францішка Карпіньскага -- знакамітага паэта эпохі Асветніцтва. Далей -- Магілёўцы змаёнткам Быхаўцаў і Дзяконскіх... І ўсё гэта -- за адзін дзень!
Цана вандроўкі -235 тысяч рублёў
13 красавіка -- выправа на Брэстчыну. Яна пройдзе па месцах бітваў 1863-га.
Удзельнікі пабачаць Мілавіды, месца знакамітай перамогі паўстанцаў над царскімі войскамі, Косава з полем бітвы, пахаваннямі паўстанцаў, "шыбельнай гарой" , палацам Пуслоўскіх, сядзібай-музеем Т.Касцюшкі, касцёлам і царквой ХІХ ст. Далей шлях прывядзе ў Ружаны -- там багата чаго ёсць паглядзець: месца бітвы з царскімі карнікамі, палац Сапегаў, касцёл ХVII ст, царква і кляштар ХVII ст., сінагога... У Ласосіне, куды экскурсія заедзе перад вяртаннем у Мінск, таксама можна будзе пакланіцца месцу бітвы...
Цана вандроўкі – усяго 210 тысяч рублёў.
Запісацца на вандроўку і даведацца падрабязнасці можна і трэба па тэлефоне (29) 7089518, (44) 7104368 (Алесь), або ў суполцы Укантакце.Спяшайцеся -- колькасць месцаў абмежаваная.
ТАА «Дэльфін Груп», УНП: 191179886
Цяпер чытаюць
Колькасць ахвяр выбуху ў маскоўскім элітным рэстаране на юбілеі генерала, які камандаваў наступам на Кіеў з Беларусі ў 2022-м, вырасла да пяці чалавек33
Каментары