Па выпадковасці мінскі служачы ператварыўся ў злодзея.
Як паведамілі ў ГУУС Мінгарвыканкама, 57-гадовы мужчына па дарозе з працы заўважыў, што пакінуў у офісе гаманец. Вярнуўся. У кабінеце ўбачыў, што сейф начальніка адчынены — а там ляжаць грошы. 16 тысяч даляраў ён забраў і вырашыў інсцэніраваць узлом.
Мантыроўкай вырваў сейф са сцяны, зламаў шклопакет, раскідаў па пакоі рэчы.
Палічыў, што гэтага дастаткова. І з'ехаў. А дома закапаў грошы ў падвале.
Праз тыдзень мужчыну вылічылі і затрымалі. Следчы камітэт праводзіць праверку.
Каментары