Трамвайны рух на вуліцах Чырвоная і Якуба Коласа (Мінск) з 15 красавіка замяняецца на аўтобусны
У сувязі з рэканструкцыяй трамвайных шляхоў з 15 красавіка закрываецца трамвайны рух па вуліцах Чырвоная і Я.Коласа і адмяняецца праца трамвайных маршрутаў № 1, 5, 6, 8, паведамілі ў дзяржустанове «Сталічны транспарт і сувязь».
Для кампенсацыі знятага трамвайнага руху арганізуецца работа часовага аўтобуснага маршруту № 906 «ДС Карбышава — Чырвоная» з рухам па Лагойскім тракце, вул. Я.Коласа, Чырвонай у прамым напрамку, па праспекце Машэрава, вул. Куйбышава, В.Харужай, Я.Коласа, Лагойскім тракце — у зваротным кірунку.
Таксама арганізуецца работа трамвайнага маршруту «Серабранка — Трактарны Завод» па ўсiх днях тыдня. Адначасова павялічваецца колькасць рухомага складу на трамвайных маршрутах № 3, 4, 7.
Каментары