У Нямеччыне могуць прыцягнуць да адказнасці 50 наглядчыкаў у нацысцкіх канцлагерах
Цэнтр па расследаванні злачынстваў нацыянал-сацыялізму ў нямецкім Людвігсбургу выйшаў на след дзясяткаў нацысцкіх злачынцаў, якія не прыцягваліся раней да адказнасці.
Ужо цягам бліжэйшых тыдняў будзе пачата расследаванне ў дачыненні да 50 былых наглядчыкаў канцлагера Асвенцім-Біркенаў.
Кіраўнік цэнтра Курт Шрым паведаміў, што арганізацыя валодае інфармацыяй аб імёнах і адрасах падазраваных. Экс-наглядчыкам каля 90 гадоў, яны раскіданыя па ўсёй тэрыторыі Германіі.
Пасля вынясення абвінаваўчага прысуду ў дачыненні да 91-гадовага Джона (Івана) Дзем'янюка, прызнанага саўдзельнікам ў знішчэнні 28060 габрэяў падчас Другой сусветнай вайны ў канцлагеры Сабібор, Курт Шрым лічыць магчымым правядзенне працэсаў і ў дачыненні да іншых былых наглядчыкаў.
У сакавіку 2012 года Дзем'янюк памёр у доме састарэлых у Баварыі.
Каментары