Дадатнае сальда замежнага гандлю Беларусі ў студзені-лютым 2013 года склала $191,5 млн, што на 81,6% менш, чым у студзені-лютым 2012 года. Пра гэта паведамляецца ў статыстычнай справаздачы Нацбанка.
Прычым у лютым дадатнае сальда замежнага гандлю таварамі і паслугамі скарацілася з $128 млн да $64 млн у студзені.
Варта зазначыць, што Беларусь таксама сплачвае ў расійскі бюджэт прыкладна $350 млн нафтавых мытаў штомесяц. І для ацэнкі стану бягучага рахунку важная лічба з улікам гэтых выплат. Такім чынам, агульны дэфіцыт бягучых плацяжоў за студзень-люты мог скласці каля $500 млн. Аднак за гэты перыяд Беларусь атрымала $440 млн крэдыту ад Антыкрызіснага фонду ЕўрАзЭС, таму золатавалютныя рэзервы скараціліся толькі прыкладна на $90 млн.
Ціханоўская: Дзеці не пераехалі ў ЗША, а проста часова будуць з татам дзеля бяспекі39
Каментары