«Белсат» апублікаваў ліст Віктара Гайсёнка да фірмы, якая распаўсюджвае фільм.
Афіцыйнага каментара фірмы-дыстрыбутара пакуль няма, але ўжо вядома, што ліст Віктара Гайсёнка ніяк не паўплывае на дэманстрацыю стужкі ў кінатэатрах.
Вось тэкст ліста.
«Рэклама ў польскіх кінатэатрах фільму «Жыве Беларусь» («Żywie Biełarus») рэжысёра Кшыштафа Лукашэвіча (Krzysztof Łukaszewicz), распаўсюднікам якога ў Польшчы ёсць таварыства з абмежаванаю адказнасцю «KINO ŚWIAT», выклікае пэўную занепакоенасць.
Надзвычай сумнеўнаю падаецца неабходнасць дэманстрацыі польскім гледачам фальшывай карціны, пададзенай у фільме. Ніводзін з паказаных у стужцы фрагментаў не мае нічога супольнага з рэчаіснасцю, а папросту дэманструе хворую фантазію аўтара сцэнара.
У сувязі з гэтым паўстае пытанне: навошта прыязную Польшчы краіну паказвць у настолькі негатыўным святле, узбуджаючы ў паляках непрыхільнасць да іх блізкага ўсходняга суседа. Народы нашых дзяржаваў заўсёды жылі ў згодзе і сяброўстве, але, відаць, не ўсіх задавальняе такі стан рэчаў, і праз стварэнне такіх фільмаў робіцца спроба пасварыць беларусаў і палякаў.
Заклікаю спадара старшыню прыняць да ведама гэтыя заўвагі ды ўстрымацца ад распаўсюду гэтага фільму.
З павагаю, Віктар Гайсёнак».
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары