На вайне ва Украіне загінуў камандзір армянскага батальёна «АрБат», былы «вагнеравец» Айк Гаспаран
На вайне супраць Украіны загінуў вайсковец расійскай арміі, камандзір «Армянскага батальёна» («АрБат») Айк «Абрэк» Гаспаран. Пра гэта паведамілі акупацыйны кіраўнік Горлаўкі Іван Прыходзька і Z-блогер Уладзіслаў Зіздок, піша «Новая газета Еўропа».
Паводле іх слоў, Гаспаран загінуў сёння, 9 лютага, падчас выканання баявога задання. Іншыя падрабязнасці яго смерці не раскрываюцца.
Айк Гаспаран нарадзіўся ў Карабаху. У Расіі ён быў асуджаны за ўзброенае рабаванне. Падчас адбывання пакарання ў калоніі яго завербавала ПВК «Вагнер», пасля чаго ён адправіўся на вайну супраць Украіны. Пазней Уладзімір Пуцін асабіста ўручаў Гаспарану медаль «За адвагу».
У 2022 годзе крымінальны аўтарытэт з Данецкай вобласці Армен Саркісян заснаваў армянскі добраахвотніцкі батальён «АрБат» і заняўся падрыхтоўкай байцоў для ўдзелу ў вайне супраць Украіны. У 2023 годзе камандзірам батальёна стаў Айк Гаспаран.
Саркісян загінуў у лютым 2025 года ў выніку выбуху ў жылым комплексе «Алые паруса» ў Маскве. Паводле даных СМІ, напад мог здзейсніць тэрарыст-смяротнік. Следчы камітэт у якасці прыярытэтнай версіі забойства Саркісяна разглядаў перадзел сфер уплыву, звязаны з яго бізнэс-інтарэсамі.
Каментары
У Грузіі 08 Крым Донецк Горловка 14Н Каховка Маріуполь Мелитополь паўсюль фанаты " русь срусмір "
100 год таму Турцыя Азербайджан СрАзія падобны
Салаўёў Кедмі Васэрман .
." Дівны рускі мір"