У найбуйнейшых аэрапортах ЗША назіраюцца шматгадзінныя чэргі,
паведамляе Associated Press.
Гэта звязана з тым, што, у адпаведнасці з параметрамі секвестру федэральнага бюджэту, ведамствы, якія адказваюць за абслугоўванне аэрапортаў, вымушаныя павялічваць колькасць выходных дзён для сваіх супрацоўнікаў, такім чынам, падладжваючыся пад скарачэнне асігнаванняў на сваю працу.
Адміністрацыя Барака Абамы апошнія тыдні настойвае на пошуку кампрамісу з кангрэсам, які б дазволіў размеркаваць скарачэнне тых ці іншых артыкулаў бюджэту больш разумна.
Да канца фінансавага года, у адпаведнасці з дасягнутай летам 2011 года Белым домам і рэспубліканцамі ў кангрэсе дамоўленасці, выдаткі федэральнага бюджэту ЗША плануецца скараціць на $85 млрд.
Каментары