У Баранавіцкім рэгіёне прачнуліся кляшчы. На гэтым тыдні па дапамогу баранавіцкіх дактароў звярнуліся першыя гараджане, пакусаныя гэтымі небяспечнымі паразітамі.
Сезон актыўнасці кляшчоў пачаўся, з іх пакусамі па дапамогу медыкаў у Баранавічах звярнуліся ўжо чатыры чалавекі, сярод іх ёсць як дарослыя, так і дзеці, — паведаміла Intex-press доктар-энтамолаг Баранавіцкага занальнага цэнтра гігіены і эпідэміялогіі Раіса Беразюк.
Па словах баранавіцкіх медыкаў, сёлета людзі найчасцей цярпелі ад нападу кляшчоў падчас збірання бярозавіку.
Кляшчы любяць месцы, дзе дастаткова ценю і вільгаці — гэта змяшаныя лясы з падлескам і высокай травою, лясныя сцежкі, берагі рэк і паплавы. Сезон актыўнасці гэтых паразітаў у Беларусі — з сакавіка па лістапад, хаця адзінкавыя выпадкі пакусаў кляшчамі рэгістраваліся і ў зімовыя месяцы падчас адлігаў.
Штогод лік пакусаных кляшчамі людзей у Баранавіцкім рэгіёне ідзе на сотні і рэгулярна павялічваецца. Рост колькасці гэтых паразітаў і іх актыўнасці звязваюць з пацяпленнем клімату.
Кляшчы асабліва шкодныя тым, што пераносяць небяспечныя захворванні — лайм-барэліёз і энцэфаліт, якія з пакусамі перадаюцца людзям. У Баранавіцкім рэгіёне прыкладна кожны пяты клешч з’яўляецца пераносчыкам лайм-барэліёзу. Штогод ім захворвае каля двух дзясяткаў баранавіцкіх жыхароў.
Кляшчы з вірусам энцэфаліту часцей сустракаецца на поўдні Беларусі, хаця ўжо некалькі гадоў запар рэгіструюцца і на тэрыторыі Баранавіцкага раёна.
Цяпер чытаюць
Першы беларускі пашпарт з «Пагоняй» атрымаў Лукашэнка, а другі — школьнік Юрый Чарняк. Як склаўся лёс хлопца?4
Каментары