U Baranavickim rehijonie pračnulisia klaščy. Na hetym tydni pa dapamohu baranavickich daktaroŭ źviarnulisia pieršyja haradžanie, pakusanyja hetymi niebiaśpiečnymi parazitami.
Siezon aktyŭnaści klaščoŭ pačaŭsia, ź ich pakusami pa dapamohu miedykaŭ u Baranavičach źviarnulisia ŭžo čatyry čałavieki, siarod ich jość jak darosłyja, tak i dzieci, — paviedamiła Intex-press doktar-entamołah Baranavickaha zanalnaha centra hihijeny i epidemijałohii Raisa Bieraziuk.
Pa słovach baranavickich miedykaŭ, sioleta ludzi najčaściej ciarpieli ad napadu klaščoŭ padčas źbirańnia biarozaviku.
Klaščy lubiać miescy, dzie dastatkova cieniu i vilhaci — heta źmiašanyja lasy z padleskam i vysokaj travoju, lasnyja ściežki, bierahi rek i papłavy. Siezon aktyŭnaści hetych parazitaŭ u Biełarusi — z sakavika pa listapad, chacia adzinkavyja vypadki pakusaŭ klaščami rehistravalisia i ŭ zimovyja miesiacy padčas adlihaŭ.
Štohod lik pakusanych klaščami ludziej u Baranavickim rehijonie idzie na sotni i rehularna pavialičvajecca. Rost kolkaści hetych parazitaŭ i ich aktyŭnaści źviazvajuć z paciapleńniem klimatu.
Klaščy asabliva škodnyja tym, što pieranosiać niebiaśpiečnyja zachvorvańni — łajm-barelijoz i encefalit, jakija z pakusami pieradajucca ludziam. U Baranavickim rehijonie prykładna kožny piaty klešč źjaŭlajecca pieranosčykam łajm-barelijozu. Štohod im zachvorvaje kala dvuch dziasiatkaŭ baranavickich žycharoŭ.
Klaščy ź virusam encefalitu čaściej sustrakajecca na poŭdni Biełarusi, chacia ŭžo niekalki hadoŭ zapar rehistrujucca i na terytoryi Baranavickaha rajona.
Kamientary