У судзе Цэнтральнага раёна Мінска слухаецца «справа фінансістаў». Як паведамілі БелаПАН у судзе, судовы разбор пачаўся ў другой палове красавіка. Па гэтай справе праходзіць у тым ліку былы старшыня наглядальнага савета ААТ «Тэхнабанк» Уладзіслаў Кацарэнка; усяго — восем фігурантаў.
Сярод выстаўленых ім абвінавачанняў — крадзеж шляхам злоўжывання службовымі паўнамоцтвамі, незаконная прадпрымальніцкая дзейнасць, ухіленне ад выплаты падаткаў, махлярства, падробліванне дакументаў.
Нагадаем, з абвінавачання вынікае, што Кацарэнка дапамагаў кіраўнікам прыватных кампаній ухіляцца ад выплаты падаткаў, падаваў прыватным кампаніям падробленыя дакументы і рэквізіты падкантрольных яму лжэпрадпрымальніцкіх структур — рэзідэнтаў Расіі і Вялікабрытаніі, арганізаваў незаконны абмен валюты ў вялікіх маштабах.
Урон у выглядзе нявыплачаных падаткаў ацэньваецца ў 7 млрд. рублёў, незаконны даход, атрыманы групай ад усіх відаў незаконнай дзейнасці, — у 417 млрд. рублёў.
Кацарэнка быў затрыманы 2 сакавіка 2012 года.
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай34
Каментары