Пасяджэнне Найвышэйшай Еўразійскай эканамічнай рады адкрываецца сёння ў сталіцы Казахстана Астане. Ягоным фонам стала расчараванне ў Мытным саюзе. Навязанае Расіяй інтэграцыйнае аб’яднанне прывяло да спаду ў беларускай прамысловасці.
Тысячы «лішніх» трактараў МТЗ у Мінску больш няма куды ставіць, таму ўрад спешна распрацоўвае схему іх раздачы калгасам. І трактарны завод не адзін такі. Доля грузавікоў МАЗ на расійскім рынку знізілася ўдвая за адзін год. Зусім адваротнае адбываецца з легкавікамі: цэны на аўтарынку Ждановічы сталі захмарныя, бо абарончыя мыты абмяжоўваюць паступленне заходнееўрапейскіх машын, а завоз далёка не перадавых расійскіх марак расце. Яны ўпершыню выйшлі ў лідары продажаў на беларускім рынку.
Мытны саюз аказаўся выгадным для Расіі не толькі палітычна і стратэгічна. У той жа час Мінск перажывае пахмелле на чужой бяседзе. Наступствы далучэння да Мытнага саюза аказаліся для Мінска сюрпрызам. Інтэлектуальны патэнцыял лукашэнкаўскай адміністрацыі занізкі для такога прагнозавання.
Зараз Беларусь чакаюць няпростыя перамовы па ўступленні ў Сусветную гандлёвую арганізацыю. З іншага боку, Лукашэнка не губляе надзеі атрымаць ад Расіі новыя субсідыі, гэтым разам ўзамен за панесеныя ад Мытнага саюза фінансавыя страты. Але сума расійскіх нафтагазавых датацый дасягнула рэкордных 10 мільярдаў даляраў, і, здавалася б, дзе ж ужо болей.
На саміце ў Астане мяркуецца пайсці далей, разгледзець праект Дамовы аб стварэнні Еўразійскага эканамічнага саюза. Імаверна, Беларусь паспрабуе затармазіць чарговы этап інтэграцыі ці, прынамсі, абставіць яго такімі ўмовамі, якія б гарантавалі далейшае павелічэнне нафтагазавай рэнты. Галоўнымі ж пытаннямі, якія Мінск будзе вырашаць, будуць будзённыя справы кшталту продажу МАЗаў, гульняў вакол калію і, нарэшце, падпісанне нафтавага балансу, з якім Масква працягвае трымаць беларусаў на кароткім ланцужку.
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі5
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2626
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра26
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары