Жыхарка Брэсцкага раёна падазраецца ў забойстве сваёй нованародажнай дачкі.
Труп немаўляці днём 30 мая па месцы жыхарства 27-гадовай жанчыны знайшлі работнікі хуткай дапамогі, якія прыбылі па яе выкліку. Смерць дзяўчынкі наступіла ад механічнай асфіксіі.
Брэсцкім міжраённым аддзелам Следчага камітэта дзеянні жанчыны кваліфікаваныя на падставе п. 2 ч. 2 арт. 139 Крымінальнага кодэкса (забойства заведама малалетняга).
Незамужняя жанчына хавала ад усіх сваю цяжарнасць і 30 мая нарадзіла дома даношаную дзяўчынку. Дзіця на момант нараджэння было жывым.
Устаноўлена, што на медыцынскі ўлік па цяжарнасці жанчына не станавілася.
Каментары