Беларусы дзеляцца на тры катэгорыі
Піша Віталь Цыганкоў.
Праз усе «нашы» дыскусіі пра Беларусь праходзяць тры погляды.
Першы. У Беларусі ўсё гаўно. Школы — гаўно, прадукты — гаўно, рэстараны — гаўно, а самае галоўнае гаўно — гэта народ, якога ніколі ня зьменіш. І Лукашэнка тут не пры чым, сыдзе Лукашэнка — будзе тое самае. Таму — трэба валіць адсюль.
Другі. У нас усё можа быць нармальна, мы цалкам эўрапейскія людзі, больш эўрапейскія, чым якія румыны ці баўгары. У Расеі поўна праблемаў, а ў нас толькі адна праблема — Лукашэнка. Як толькі скінем Лукашэнку, усё будзе нармальна. Таму — трэба змагацца
Трэці. Краіна і народ разьвіваецца, існаваньне Лукашэнкі асабліва не замінае жыць і працаваць таму, хто жадае. Можна рабіць масу добрых справаў, разьвіваць праекты, будаваць сядзібы, абараняць мову, дапамагаць людзям, і ніхто гэтаму не перашкодзіць. Таму — трэба жыць тут і цяпер.
На жаль, нейкай формы спалучэньня гэтых трох розных пазыцыяў амаль не бывае. У гэтым і праблема.
Дзядок расказаў, як паводзіў бы сябе ў сённяшняй Беларусі і што будзе далей5
Каментары