Жыхар Ліпецка, які назіраў за зносам будынка, зняў на відэа ўласную смерць
Малады жыхар Ліпецка трагічна загінуў, назіраючы за працамі па зносе будынка.
Мяркуючы, што знаходзіцца на досыць бяспечнай адлегласці, мужчына дастаў мабільны тэлефон і пачаў здымаць тое, што адбываецца. Аказалася, што ступень рызыкі ні ён, ні працоўныя, што зносілі будынак, належна не ацанілі. Цяпер ступень іх адказнасці будзе ацэньваць следства.
Трагедыя адбылася 16 чэрвеня ў двары адной з будаўнічых крамаў горада, на тэрыторыі якога праходзіў знос двухпавярховага цаглянага будынка.
Будынак зносілі з дапамогай бульдозера: да каўша прымацавалі сталёвыя тросы, супрацьлеглыя канцы якіх былі замацаваныя на ўчастку сцяны. Пакуль шматтонная машына буксавала, спрабуючы вырваць з мура кавалак, Яўген Цітоў, прадчуваючы, як падзеліцца відэазапісам ў інтэрнэце, падбадзёрваў працоўных: «Давай, давай!»
У нейкі момант сцяна паддалася, і вялізны яе кавалак паваліўся на зямлю, разбіўшыся на мноства аскепкаў. Ад моцнага ўдару цагліны адскочылі ад асфальту і на велізарнай хуткасці хваляй паляцелі ў бок людзей. Мужчына, які стаяў перад Яўгенам Цітовым і таксама трымаў у руках мабільны тэлефон, у апошнюю секунду здолеў адскочыць убок. А вось галоўнага героя відэа хваля збіла з ног. Мабільны тэлефон працягваў здымаць нават калі яго ўладальнік ужо ляжаў без прытомнасці на зямлі, а вакол яго бегалі людзі, крычалі і прасілі выклікаць хуткую. Ужо пазней высветлілася, што яшчэ адным пацярпелым аказаўся мужчына, які ў момант надзвычайнага здарэння прыехаў аўтасэрвіс у тым самым двары. Яго траўмы аказаліся не надта цяжкімі, і дактары адпусцілі яго дадому пасля аказання неабходнай дапамогі.
Яўгену Цітову не пашэнціла. Хірургі змагаліся за яго жыццё, але выратаваць мужчыну не ўдалося — траўмы аказаліся занадта сур’ёзнымі. Як пазней раскзаалі сваякі загінулага, у яго былі зламаныя ўсе рэбры, раздробленыя косткі таза, пашкоджаныя ўнутраныя органы, а «ад галавы засталася проста каша».
Відэазапіс далучаны да справы
У Яўгена Цітова засталіся жонка і трохгадовая дачка.
Зяленскі: Рэтранслятары на мяжы Беларусі прыпынілі працу69
Каментары