У Новай Зеландыі злодзей, які выявіў ва «ўскрытым» доме труп, настолькі перапалохаўся, што здаўся паліцыі, піша The New Zealand Herald. Як заяўляюць у праваахоўных органах, абвінавачванні 26-гадоваму мужчыну, хутчэй за ўсё, не прад'явяць.
Інцыдэнт адбыўся ў Гамільтане. На досвітку зламыснік пракраўся ў пусты дом і ў цемры наткнуўся на труп. Крыкі злодзея разбудзілі суседзяў, якія выклікалі паліцыю. У паліцыю патэлефанаваў і сам малады чалавек. Ён быў арыштаваны, але пасля дапамогі паліцыянтам ў расследаванні яго адпусцілі на волю.
Як адзначылі ў паліцыі, загінулы, чый узрост невядомы, памёр за некалькі гадзін да ўзлому апартаментаў.Калі б не злодзей, то цела магло б застацца не знойдзеным на працягу некалькіх дзён, лічаць у праваахоўных органах.
Цяпер чытаюць
«Хачу ўзяць інтэрв’ю» — «Не» — «Давайце я вас сфатаграфую» — «Не». Бяляцкі расказаў пра сустрэчу ў калоніі з Пратасевічам3
Каментары