Недавер да рубля прывёў да жадання застрахавацца ад ваганняў курсу.
Найлепшы курс куплі даляра па стане на 12.00 панядзелка складае 8910 рублёў. Купіць даляры можна ад 8950 рублёў. Даляры ў абменніках ёсць свабодна.
Але чаканні камерсантаў адносна рубля негатыўныя. Менавіта таму мэблевыя кампаніі, крамы на аўтарынках і прадаўцы будматэрыялаў на сёння пралічваюць цану зыходзячы з курсу 9000–9100 рублёў за даляр, а часам нават да 9500. «Ф’ючарсная цана» рубля ўпала.
Старшыня Нацбанка Надзея Ермакова ў пятніцу прызнала, што насельніцтва масава пераводзіць рублёвыя ашчаджэнні ў валюту. Яна заявіла пра гатоўнасць Нацбанка паспрыяць росту ставак па рублёвых дэпазітах і гарантавала, што цэнтральны банк краіны гатовы рабіць інтэрвенцыі дзеля захавання стабільнасці рубля.
Цяпер чытаюць
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»40
Каментары