Пакуль электрычка даехала, чалавек мог памерці двойчы
Ад медыкаў чакаць дапамогі не выпадала.
Раніцай 14 жніўня стаў сведкам гісторыі, якая ледзь не скончылася трагедыяй. Ехаў на электрычцы ў Мінск (Асіповіцкі кірунак). І дзесьці каля Мачулішчаў
мужчына, што сядзеў непадалёку, проста зваліўся на падлогу.
Сам ён не мог падняцца. Дамапог нейкі хлопец. У мужчыны носам пайшла кроў (ці то ад удару, ці то ад ціску). Адразу ж паведамілі машыністу пра здарэнне. Па гучнай сувязі ён папрасіў пасажыраў-медыкаў, калі такія ёсць у электрычцы, зайсці ў наш вагон. Калі пад’ехалі да Калядзічаў, думаў, што тут зойдзе медбрыгада. Але нікога не было.
Калі паехалі далей, прыйшоў адзін з машыністаў. Перапытаў, ці патрэбная яшчэ «хуткая». Паколькі мужчыну, здавалася, палепшала, адмянілі выклік. Але
праз якія дзве хвіліны ён ізноў самлеў.
Зноў паведамілі машыністу. Той адказаў, што медыкі будуць на станцыі Мінск-Пасажырскі. А мы пад’язджалі толькі да Лошыцы.
У кагосьці знайшоўся нашатыр. Мужчына апрытомнеў. Да прыходу медыкаў на канцавым прыпынку ён датрываў.
Бытавая гісторыя. Такія, відаць, здараюцца штодня. Але не кожная заканчваецца добра.
Людзі павялі сябе як мае быць. З суседняга вагона прыйшла жанчына, якая працуе ў бальніцы. Яна спрабавала распытаць пра стан мужчыну, змераць яму ціск, хаця ён так і не даўся. Але што ўразіла:
машыніст, які прыходзіў, быў з пустымі рукамі. Хіба ў іх няма аптэчкі ў кабіне для падобных выпадкаў? Валідол, нашатыр, вата... Хаця б мінімальнае, чым можна дапамагчы чалавеку. Калі сапраўды няма, трэба выправіць гэта як мага хутчэй.
Але што больш дзівіць, дык хуткасць, з якой медыкаў можна выклікаць да электрычкі. З Калядзічаў да Мінска-Пасажырскага ехаць 22 хвіліны. За гэты час чалавек можа некалькі разоў памерці. Хіба не парадокс?
Хто тая беларуска, якую экстрадавалі ў ЗША для суда за кантрабанду дэталяў для самалётаў8
Каментары