Скокі пад «Лысага» на вуліцы Мінска сабралі больш за мільён праглядаў у ютубе
Людзей у каментарах замілоўвае тая жарсць, з якой танцуюць звычайныя людзі.
Жартаўлівы танец «Карапет» быў вельмі папулярны праз усё ХХ стагоддзе. Таму на яго нарадзіліся сотні прыпевак: «А чаго ж ты, лысы, з воласам расстаўся? Ад таго, што рана з дзеўкамі качаўся!»
Назва «Лысы» прыляпілася да гэтага танца, бо менавіта гэтае слова часта абыгрывалі ў тэксце.
Сам танец прыйшоў у Беларусь з Каўказа, у яго музыцы і самой назве — армянскія матывы.
Гэта парны танец, які выконваецца па коле. Ён складаецца з дзвюх частак: першая — прыстаўны крок, другая — кружэнне ў пары.
Відэа, як «Лысага» выконваюць энтузіясты на Музычным завулку ў Мінску ў 2016 годзе, а простыя людзі танцуюць, завірусілася ў ютубе. Многія адгукаліся каментарамі.
«Цяпер гляджу і плачу, а мой муж кажа, чаго ты слухаеш такую старую музыку і плачаш? А я ўспамінаю сваіх бацькоў і ўспамінаю гэтае слова: «Карапет», бо яны часта танцавалі і пелі гэтыя песні ў кампаніі».
«Малайцы! Здароўя вам і міру. У нашай вёсцы таксама многа танцавалі народных танцаў. Але з 1986 года наша вёска замаўчала, яе не стала на карце. І я пагляджу на гэтых танцуючых людзей і на сэрцы весялей».
«Я была маленькай, і ў нашым клубе танцавалі карапет. Я яго запомніла на ўсё жыццё. Думала, ужо яго не танцуюць, але так усхвалявалася, калі ўбачыла гэтыя танцуючыя пары».
А вось так выконвалі «Карапет» беларусы ў ЗША ў 2015 годзе:
А гэта «Карапет» у Неглюбцы, Веткаўскі раён, 2018 год:
А вось як «Карапет» танцуюць Мінску ў 2022 годзе, з гармонікам музыка з Сянна Герман Бандарэнка:
А гэта «Карапет» у Вязынцы ў 2023 годзе:
А гэта «Карапет» у тыктоку ансамбля «Вербіца», 2025 год:
І яшчэ адзін «Карапет» з 15 тысячамі лайкаў у тыктоку:
Ногі самі ідуць у скокі, калі слухаеш гэтую музыку.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары14
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары
у пятніцу Любка,
у суботу ты мая
сі-і-ізая галубка.
І яшчэ чуў:
Спекуліруй, бабка,
спекуліруй, Любка,
спекуліруй ты моя,
сі-і-ізая галубка.
Народная творчасць!