Сузаснавальнік Microsoft і філантроп Біл Гейтс заклікаў улады ЗША заканадаўча рэгуляваць сферу штучнага інтэлекту. Ён лічыць, што сучасныя тэхналогіі ШІ валодаюць дастатковай магутнасцю, каб пры траплянні ў рукі зламыснікаў прывесці да гібелі да мільярда чалавек.
У інтэрв'ю праграме Meet the Press на тэлеканале NBC News Гейтс заявіў, што адной толькі самарэгуляцыі і самадысцыпліны тэхналагічных кампаній недастаткова для гарантавання бяспекі.
На яго думку, палітыкі і праваахоўныя органы павінны непасрэдна ўдзельнічаць у распрацоўцы механізмаў абароны і сістэмы маніторынгу алгарытмаў.
Гейтс прызнае, што дзяржаўныя патрабаванні створаць для індустрыі дадатковую адміністрацыйную нагрузку, аднак, паводле яго ацэнкі, гэта не павінна істотна запаволіць развіццё інавацый.
Заявы Гейтса прагучалі на фоне дыскусій у ЗША пра неабходнасць запаволіць развіццё тэхналогій штучнага інтэлекту. У гэтых абмеркаваннях удзельнічаюць кіраўнікі найбуйнейшых даследчых лабараторый краіны.
Гейтс падкрэслівае, што асноўныя рызыкі звязаныя не толькі з самімі мадэлямі штучнага інтэлекту, але і з адсутнасцю знешняга кантролю за тым, як гэтыя тэхналогіі ўкараняюцца і выкарыстоўваюцца.
Поўнае інтэрв'ю з Гейтсам павінна выйсці 27 верасня ў нядзельным эфіры NBC News. Чакаецца, што ў ім працягнецца абмеркаванне дзяржаўнага нагляду за развіццём генератыўнага штучнага інтэлекту.
Штучны інтэлект узламаў партал урада Аўстраліі
Трамп заявіў, што ў ЗША створаць «Сілы ШІ» і прызначаць адказнага за развіццё штучнага інтэлекту
З-за памылкі штучнага інтэлекту ЗША ледзь не пачалі ваенную аперацыю супраць кітайскага судна
«Мы не ведаем, як дабіцца алайнмэнту такіх сістэм». Размовы пра пагрозы ШІ — змова OpenAI, Google і Anthropic?
«Мы апярэджваем Кітай». Трамп выступіў супраць запаволення распрацоўкі штучнага інтэлекту
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна22
Каментары