У Літве Maserati з беларускімі нумарамі мчаў па трасе з хуткасцю 247 км/г
Maserati белага колеру з беларускімі нумарамі быў зафіксаваны камерамі фотафіксацыі некалькі разоў. Спачатку гэты аўтамабіль перавысіў хуткасць на 37 км/г, потым на 117 км/г, у трэці раз — на 66 км/г.
Як паведамляе партал Lrytas.lt, рэкорды Maserati з Беларусі ставіў яшчэ ў маі, але паліцыя распавяла пра гэта толькі цяпер.
Парушэнне было зафіксавана на трасе А1, паміж Каўнасам і Клайпедай.Maserati з беларускімі нумарамі быў зафіксаваны камерамі фотафіксацыі. Спачатку гэты аўтамабіль перавысіў хуткасць на 37 км/г, потым на 117 км/г, трэці раз — на 66 км/г, пры тым, што абмежаванне на гэтым участку — 130 км/г.
У Літве за перавышэнне хуткаснага рэжыму больш чым на 50 кіламетраў у гадзіну прадугледжаны суровыя санкцыі: штраф у памеры 1–1,5 тысячы літ (каля 385 — 576 даляраў) і пазбаўленне права кіравання на тэрмін ад 1 да 3 месяцаў або 7 дзён арышту і пазбаўленне правоў на 6 месяцаў.
Уладальніка Maserati ўдалося знайсці, але ён не прызнаўся, хто быў за рулём аўтамабіля, і заплаціў штраф у некалькі сотняў літаў.
«Рукі свярбяць пакараць гэтых «арлоў», — прызнаўся намеснік начальніка дарожнай паліцыі Літвы Аляксандр Самулевічус.
У дарожнай паліцыі кажуць пра тое, што з лістапада ў Еўропе будзе запушчана адзіная база дадзеных па парушэннях ПДР. Пры ўездзе ў любую краіну ЕС кіроўцы, за якімі лічацца такія парушэнні, будуць прыцягнутыя да адказнасці.
Цяпер чытаюць
Першая вясна на волі. Ніна і Уладзімір Лабковічы расказалі пра сваю гісторыю кахання і жыццё пасля турмы5
Каментары