Афрыканскі студэнт з Мінска зноў трапіў у нявыкрутку. Цяпер справа дайшла да міністра юстыцыі
Афрыканскі студэнт Натан Тэлафат, вядомы ў TikTok пад імем «Кінг Няміга», запісаў відэазварот да міністра юстыцыі Беларусі. Малады чалавек кажа, што апынуўся ў складанай сітуацыі пасля канфлікту з уладальнікамі кватэры і просіць разабрацца ў ягонай справе, заўважыла выданне «Першы». Раней ён стаў вядомы пасля таго, як здабыў праблемы з-за наракання на беларускія цэны.
Гісторыя хутка разышлася па сацсетках. У каментарыях людзі пішуць, што канфлікт пачаўся пасля пажару ў кватэры, дзе жыў студэнт. Тыкток-блогер «Кінг Няміга» запісаў відэазварот да міністра юстыцыі Беларусі Яўгена Каваленкі. У роліку ён кажа, што трапіў у складаную сітуацыю і просіць разабрацца ў яго справе.
Са слоў студэнта, уладальнікі кватэры патрабуюць з яго каля 110 тысяч рублёў за нанесеную шкоду. Сам ён лічыць гэту суму занадта вялікай. З відэа не зусім зразумела, што менавіта адбылося. Але ў каментарыях карыстальнікі пішуць, што ў кватэры быў пажар, пасля якога гаспадары жылля запатрабавалі кампенсаваць шкоду.
Некаторыя каментатары сцвярджаюць, што частка грошай ужо была выплачана. Сам Тэлафат кажа, што ў яго забралі пашпарт і цяпер ён не можа свабодна перасоўвацца і выехаць з краіны.
Помогите мне пожалуйста
Пад відэа ў тыктоку з’явілася шмат розных каментарыяў. Адны пішуць:
«Усе беларусы пакутуюць, у Беларусі няма справядлівасці».
«Топ краіна для студэнта».
«Звярніцеся ў міліцыю, гэта адзінае выйсце».
«Ну цяпер даведаўся, якая дэмакратыя».
Іншыя лічаць, што калі быў пажар і нанесеная сур’ёзная шкода, то ўладальнікі кватэры маюць права патрабаваць кампенсацыю. У каментарыях пішуць:
«Кватэра моцна выгарала, гаспадар падаў у суд і цяпер трэба кампенсаваць шкоду».
«Закон роўны для ўсіх».
«Калі спаліў кватэру, трэба плаціць».
«У любой краіне за такое выставяць рахунак».
«Падпаліў жыллё — трэба кампенсаваць».
Раней блогер ужо трапляў у падобную гісторыю. Ён расказваў, што пасля відэа пра падаражанне кока-колы яму тэлефанавалі з міліцыі і выклікалі на размову. Пасля гэтага яму давялося прасіць прабачэння.
Цяпер студэнт спрабуе прыцягнуць увагу да сітуацыі праз сацыяльныя сеткі і зварот да міністра юстыцыі.
Натан Тэлафат — студэнт з Конга. У тыктоку ён вядомы пад псеўданімам «Кінг Няміга». У сваіх роліках ён расказвае пра жыццё ў Беларусі і пра тое, з якімі бытавымі праблемамі сутыкаецца як замежны студэнт.
«Я не хачу праблем, у мяне ўсё добра, я люблю Беларусь». Студэнт з Конга, які скардзіўся Лукашэнку на цэны, пабываў у міліцыі
«Чувак дзела сказаў». Людзі масава падтрымалі студэнта-афрыканца
Цемнаскуры студэнт у Мінску паскардзіўся Лукашэнку на дарагую кока-колу. Ужо выбачаўся, але міліцыя ім зацікавілася
Мінадукацыі хоча ў разы павялічыць колькасць афрыканскіх студэнтаў у беларускіх ВНУ
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
Кинг из Конго? А потом обижаются?
Кінг Конга ці Няміга павінен аплаціть
))) Гаспадары хаты ні бачылі каму здают?? Ці $€ паболей пажадалі???Лічыце мяне расістам ...я ні толькі з Конгі бы ні сдал але і....)))