Лідар венгерскай апазіцыі перасцярог Расію ад умяшання ў парламенцкія выбары
Апазіцыйны лідар Венгрыі і кіраўнік партыі «Ціса» Петэр Мадзяр апублікаваў адказ пасольству Расіі, якое адпрэчвала паведамленні СМІ пра нібыта знаходжанне расійскіх паліттэхнолагаў у Будапешце з мэтай забяспечыць перамогу партыі прэм’ер-міністра Віктара Орбана на выбарах, піша «Еўрапейская праўда».
Пра гэта Мадзяр напісаў на сваёй старонцы ў фэйсбуку. Па яго словах, Венгрыя — краіна людзей, якія цэняць свабоду, і 12 красавіка, у дзень парламенцкіх выбараў, большасць грамадзян пацвердзіць жаданне жыць у вольнай і незалежнай дзяржаве без знешняга ўплыву.
Ён падкрэсліў, што чакае ад Расіі павагі да венгерскіх грамадзян і да суверэнітэту краіны. Мадзяр заявіў, што будучы ўрад «Цісы» будзе імкнуцца да збалансаваных адносін з Расійскай Федэрацыяй. Адначасова ён заклікаў расійскае кіраўніцтва ўстрымацца ад умяшання ў выбары ў венгерскі парламент і ад пагроз на адрас венграў, падкрэсліўшы падтрымку вольнай, незалежнай і дэмакратычнай Венгрыі.
Раней журналісты-расследавальнікі разам з еўрапейскімі службамі бяспекі паведамілі, што, паводле іх звестак, Уладзімір Пуцін даручыў групе паліттэхнолагаў і расійскай вайсковай разведцы ўмяшацца ў парламенцкія выбары ў Венгрыі ў красавіку, каб дапамагчы перамозе Орбана.
У пасольстве Расіі ў Будапешце ў адказ заявілі, што ніякая расійская дэлегацыя ў будынку дыпмісіі не працуе.
Раней прэзідэнт Украіны Уладзімір Зяленскі выказаў спадзяванне, што партыя Орбана пацерпіць паразу на выбарах, пасля чаго стане магчымай нармалізацыя дачыненняў паміж краінамі.
У Венгрыі апазіцыйная Орбану партыя рэкордна павялічыла адрыў перад выбарамі
Галоўны апанент Орбана прызнаўся, што ўляпаўся ў сэкс-скандал. «Класічны кампрамат расійскага тыпу»
Венгрыя заблакавала выдзяленне Украіне 90 мільярдаў крэдыту ЕС
Фіца гатовы замяніць Орбана ў блакаванні 90 мільярдаў еўра для Украіны, калі той прайграе выбары
Зяленскі ў Давосе публічна заклікаў Еўропу даць Орбану па карку. Орбан адказаў
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»42
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Tisza - гэта правая, правацэнтрысцкая і кансерватыўная партыя.