Сёння і заўтра будзе абмежаваны рух на МКАД, праспектах Незалежнасці і Пераможцаў
У Мінску 24—25 кастрычніка падчас правядзення Вышэйшага Еўразійскага эканамічнага савета і пасяджэння Савета кіраўнікоў дзяржаў СНД будзе часова абмежаваны рух транспартных сродкаў па некаторых вуліцах.
Пра гэта паведамляе прэс-служба ДАІ Мінска.
«У сувязі з правядзеннем гэтых мерапрыемстваў 24—25 кастрычніка будзе часова абмежаваны рух транспарту па праспектах Незалежнасці, Пераможцаў, на МКАД, па вуліцы Арлоўскай», — паведамляе ДАІ.
Сталічная ДАІ рэкамендуе кіроўцам улічваць гэту інфармацыю і выключыць гэтыя ўчасткі вулічнай транспартнай сеткі са сваіх маршрутаў,
а таксама, па магчымасці, адмовіцца ад выкарыстання асабістага транспарту ў гэтыя дні.
ДАІ Мінска 24-25 кастрычніка будзе працаваць ва ўзмоцненым рэжыме. Увесь асабісты склад будзе гарантаваць бяспеку дарожнага руху на ключавых магістралях і скрыжаваннях горада, адзначаецца ў паведамленні.
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары