Пра затрыманне беларуса Дзенісевіча і трох расейцаў паведамлялася ў верасні.
Трое расейцаў і беларус, якіх затрымалі і ўтрымлівалі ў Чадзе, былі вызваленыя і сёння ўвечары прыбылі ў Маскву, паведамілі РІА Новості.
Нагадаем, 19 і 21 верасня ў Нджамене ўладамі Рэспублікі Чад былі затрыманыя трое расейцаў і беларус — А. Дзенісевіч.
Затрыманыя Максім Шугалей і Самер Суэйфан, якіх расійская прапаганда называе сацыёлагамі, раней былі супрацоўнікамі Фонду абароны нацыянальных каштоўнасцяў, звязанага з Яўгенам Прыгожыным. Пісалася, што Шугалей адправіўся ў Нджамену для ўдзелу ў адкрыцці Рускага дома.
Прозвішча Дзенісевіча сустракалася ў навінах пра набліжанага да Аляксандра Лукашэнкі бізнэсмена Аляксандра Зінгмана. Жонку Зінгмана, які вядзе справы ў Зімбабвэ, зваць Лізавета Дзенісевіч.
Цяпер чытаюць
«Запускайце далей салюты, а я выклічу міліцыю». Беларусы спрачаюцца пра забарону на феерверкі2
Каментары