У палоне ва ўкраінцаў цяпер больш за 4000 расіян. Прапорцыя рэзка змянілася за апошні час
Прэзідэнт Украіны Уладзімір Зяленскі падчас сустрэчы з журналістамі ў Мюнхене паведаміў, што ўкраінскі бок мае ў палоне больш за 4 тысячы расійскіх вайскоўцаў.
Зяленскі адзначыў, што гэта станоўчая навіна, бо раней ва ўкраінскім палоне было толькі 1,5 тысячы расіян, а цяпер колькасць перавысіла 4 тысячы.
Праўда, у расійскім палоне знаходзіцца амаль удвая больш — каля 7 тысяч украінскіх ваеннапалонных. І гэта мае тлумачэнне.
У першыя ж дні вайны, карыстаючыся эфектам нечаканасці, кліны расійскіх войскаў глыбока ўвайшлі на тэрыторыю Украіны. У першыя ж тыдні вайны ў акружэнне трапіў гарнізон Марыупаля — гэты горад пратрымаўся даўжэй, чым Брэсцкая крэпасць. Яны прынялі ўдар на сябе, адцягнулі на сябе баяздольны кулак расійскай арміі. Вынікам такой абароны Марыупаля стаў непазбежны палон. У першыя тыдні расіяне ў палон амаль не траплялі, а ўкраінцаў здавалася шмат: памежнікі, байцы Унутраных войскаў, якія сцераглі Чарнобыльскую АЭС, сілавікі-тылавікі ў захопленых першым ударам гарадах.
Усе абмены палоннымі пачынаючы з 2022 года праводзіліся па формуле «адзін на адзін». Усяго з пачатку вайны да сёння ва Украіну вярнуліся прыкладна 6 600 чалавек.
На сустрэчы з журналістамі міжнародных інфармацыйных агенцтваў 5 чэрвеня 2024 года Уладзімір Пуцін заяўляў, што ў расійскім палоне знаходзіцца 6465 украінскіх вайскоўцаў. Тады ж ён назваў лічбу ў 1348 расійскіх вайскоўцаў, якія знаходзяцца ва ўкраінскім палоне. Гэта значыць, што з таго часу ў палон траплялі пераважна расійскія вайскоўцы.
Прэзідэнт Украіны падкрэсліў, што ідэальна было б правесці абмен «усіх на ўсіх», але Украіна гатовая і да абмену паводле прынцыпу «тысяча на тысячу». Ды і ўвогуле — галоўнае, каб працэс хоць бы неяк ішоў.
«Добра, калі яны будуць гатовыя памяняць нават «сто на сто». Любы крок для нас у гэтым кірунку — гэта станоўчае рашэнне», — сказаў Уладзімір Зяленскі.
Ужо сам факт таго, што больш за 10 тысяч расійскіх вайскоўцаў трапілі ў палон, сведчаць пра невысокую баяздольнасць і нізкі маральны дух расійскай арміі. Для параўнання: за час войнаў у Іраку і Афганістане, калі амерыканцы працяглы час акупавалі варожа настроеныя тэрыторыі, у палон трапіла ўсяго 7 амерыканскіх вайскоўцаў.
Расійскі перамоўнік Уладзімір Мядзінскі, пагражаючы Украіне, нядаўна правёў паралель з Паўночнай вайной, якая доўжылася 21 год.
Аднак цана, якую плаціць Расія, можа быць завялікая нават для маскоўскага кіраўніцтва.
Сваякі ўкраінскага салдата, які лічыўся загінулым, але вярнуўся з палону, абавязаны вярнуць 300 тысяч еўра пахавальных
Падчас абмену палоннымі вызвалілі былога беларускага вайскоўца Генадзя Шчэрбаня, якога Расія ўтрымлівала амаль чатыры гады
Украіна вярнула дамоў 157 ваеннапалонных
У Абу-Дабі дамовіліся пра абмен 314 ваеннапалоннымі
Цяпер чытаюць
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце5
Каментары