У сталіцы скараціўся час працы платных аўтамабільных парковак. Гэта прадугледжана рашэннем Мінскага гарвыканкама №381 ад 5 лютага 2026 года, якое сёння ўступае ў сілу, паведамляе БелТА.
Платныя паркоўкі, якія раней працавалі з 8.00 да 20.00, цяпер будуць дзейнічаць з 8.00 да 18.00. Пасля гэтага часу паркоўкі, не абсталяваныя прыладамі ўліку часу і разліку платы за карыстанне, тэхнічнымі сродкамі, якія перашкаджаюць выезду ў выпадку неаплаты, проста перастаюць быць платнымі. Гэта тычыцца ўсіх такіх парковак, акрамя паркоўкі на вуліцы Замкавай.
Па такім жа графіку будуць працаваць і паркоўкі, абсталяваныя названымі прыладамі і тэхнічнымі сродкамі (акрамя парковак на тэрыторыі Верхняга горада і Траецкага прадмесця). З 18.00 да 8.00 там будзе дзейнічаць паніжаны тарыф.
Як тлумачыў раней генеральны дырэктар арганізацыі «Гаражы, аўтастаянкі і паркоўкі» Андрэй Зыранаў, змены ўведзены для таго, каб аўтамабілі работнікаў пакідалі зону, а жыльцы маглі бясплатна прыпаркавацца каля сваіх дамоў. У іх таксама будзе стымул прыбраць аўтамабіль пасля 8.00, каб вызваліць месца для іншых удзельнікаў дарожнага руху.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары