У Вільні, у Прэзідэнцкім палацы, 18 студзеня адкрылася археалагічная выстава, якая расказвае пра гісторыю зямельнага ўчастка, на якім цяпер знаходзіцца Прэзідэнцкі палац, паведамляе Delfi.lt.
У экспазіцыі прадстаўленыя археалагічныя знаходкі з фондаў Літоўскага нацыянальнага музея, зробленыя ў 1995—2008 гг. на тэрыторыі Прэзідэнцкага палаца, засяленне якой пачалося ў XIV ст.
Вядома, што ў 1387 г. Ягайла заснаваў Віленскую епіскапат і дараваў яму ўчастак на тэрыторыі сучаснага палацавага ансамбля — «бліз горада Вільні, каля саду Гоштовта». Палаты Гаштольда (Гоштовта) пазней перайшлі ў валоданне каталіцкіх біскупаў. Епіскапскі палац неаднаразова перабудоўваўся і пашыраўся, а з 1795 года стаў афіцыйнай рэзідэнцыяй генерал-губернатара Паўночна-заходняга краю. Тут спыняліся расійскія імператары, Напалеон, іншыя еўрапейскія манархі. Сучаснае аблічча будынак набыў ў 1827 годзе.
На адкрыцці выставы з лекцыяй выступіў археолаг Кястуціс Кацелінас.
Падчас раскопак на тэрыторыі Прэзідэнцкага палаца было выяўлена мноства рэчаў, якія дзівяць сваёй разнастайнасцю — вырабы з косці, ювелірныя вырабы, розныя прылады працы, кафля гатычнага перыяду, бытавая кераміка, часткі шклянога посуду, абутак, вырабы са скуры і дрэва XVI—XVII стст., рэшткі драўляных пабудоў — усё гэта ілюструе унікальную гісторыю старой часткі Вільні.
Уваход на выставу — з экскурсаводам.
Бясплатныя экскурсіі будуць арганізаваны па пятніцах у 16.30, па суботах і нядзелях з 9.00 да 14.30.
-
«Узорны прыклад усходняй расы». Чаму еўрапейская навука ў пачатку XX стагоддзя вылучала беларусаў у асобную еўрапейскую расу
-
У Лепельскім раёне археолагі знайшлі бурштынавыя падвескі і каменныя булавы
-
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу
Цяпер чытаюць
У 2021 годзе выпускніца адмовілася паціснуць руку Гігіну на ўручэнні дыплома. Цяпер БДУ не хоча яго пацвярджаць29
Каментары