Сабор славянскіх народаў прапанаваў заснаваць дзень яднання Украіны, Расіі і Беларусі
Аб'явіць 18 студзеня днём яднання народаў Украіны, Расіі і Беларусі прапанавалі ўдзельнікі Сабора славянскіх народаў трох краін, які праходзіць у Пераяслаў-Хмяльніцкім.
18 студзеня 360 гадоў таму прайшло пасяджэнне Пераяслаўскай рады. «Гэтая дата — 360 гадоў Пераяслаўскай рады — сёння для Украіны і для Расіі актуальная як ніколі, — зазначыў у гутарцы з журналістамі дырэктар Інстытута краін СНД Канстанцін Затулін.
— У снежні Расія працягнула руку дапамогі Украіне гэтак жа, як зрабіла гэта 360 гадоў таму, калі на дапамогу Украіне прыйшлі стралецкія палкі. Але сутнасць ад гэтага не мяняецца: мы самыя блізкія на зямлі народы — украінцы, рускія і беларусы. Разам мы заўсёды мацнейшыя».
Як паведаміў Затулін, «гэты дзень увасабляе адзінства ўкраінскага, рускага і беларускага народаў». «Важна тое, што людзі прыйшлі выказаць пачуцці дружбы Украіны ў дачыненні да Расіі і Беларусі, — працягнуў ён. — Ініцыятыва аб'явіць 18 студзеня днём адзінства можа быць аформленая заканадаўча. У Дзяржаўнай думе мы гэта прапануем». Ён выказаў надзею на тое, што гэтая ініцыятыва знойдзе таксама падтрымку ў парламентах Беларусі і Украіны.
З прывітаннем да ўдзельнікаў сабора звярнуўся патрыярх Маскоўскі і ўсяе Русі Кірыл, якія ўказаў на неабходнасць «захавання міру і згоды на землях гістарычнай Русі».
-
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак
-
Паведамленне, што на фэст у Будславе прыязджаў мітрапаліт Веніямін, было памылковым
-
На Сож спусцілі «Пасейдона». У Гомелі стварылі сучасны цеплаход з сонечнымі панэлямі і першым у Беларусі вадамётным рухачом
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары