На Цнянскім вадасховішчы знайшлі краба, які ў прыродзе жыве ў водах Заходняй Афрыкі
Незвычайнага «адпачывальніка» заўважылі на пляжы Цнянскага вадасховішча ў Мінску. Фота і відэа апублікаваў акаўнт nedvizhka_minsk, піша Blizko.by.
Па пяску каля вадаёма швэндаўся сапраўдны краб.
Больш за тое, гэта быў вясёлкавы краб, які ў дзікай прыродзе сустракаецца на ўзбярэжжы Заходняй Афрыкі — уздоўж Атлантычнага акіяна ад Сенегала да Анголы. У натуральным асяроддзі гэтыя паўназемныя ракападобныя жывуць у мангравых зарасніках і на прыбярэжных участках, дзе выкопваюць глыбокія (да 1—2 метраў) норы ў вільготным грунце.
У каментарыях да допісу карыстальнікі справядліва заўважылі, што, хутчэй за ўсё, краб быў набыты ў заамагазіне, але гаспадар не здолеў забяспечыць яму належныя ўмовы ўтрымання і проста выпусціў яго ў вадаём.
Варта адзначыць, што ў прэснай вадзе такі краб можа жыць толькі пры ўмове, што яе жорсткасць складае каля 179 міліграмаў соляў на літр вады. У Цнянскім вадасховішчы гэты паказчык складае ўсяго 3—4 міліграмы соляў на літр, што можа быць небяспечным для жыцця ракападобнага.
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»13
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары