Байцы былога «Беркута» працягваюць разгульваць са зброяй на волі.
Упаўнаважаны па кантролі над МУС Украіны Арсен Авакаў учора, 25 лютага, падпісаў загад №144 «Пра ліквідацыю спецыяльных падраздзяленняў міліцыі грамадзянскай бяспекі «Беркут».
Аднак толькі ў апошнія дні з базы кіеўскага «Беркута» збегла больш за 30 байцоў з баявой зброяй, і іх не могуць знайсці.
Па словах Арсена Авакава, сілавікі спалохаліся пачатку следства і пошуку тых, хто аддаваў і выконваў злачынныя загады ў час супрацьстаяння з народам.
Цяпер базу сталічнага «Беркута» ўзяла пад кантроль «афганская сотня Майдана».
Афганцы пасяліліся на базе спецслужбаў, у спартзале. Яны будуць ахоўваць казармы і інтэрнаты ад магчымых правакацый, бо байцам і іх сем'ям нібыта пагражаюць.
«Суд павінен вызначыць, хто злачынец, хто выконваў злачынныя загады і хто павінен несці адказнасць», — адзначыў камандзір «афганскай сотні» Алег Міхнюк.
Акрамя таго, «афганцы» правядуць рэвізію зброі, што знаходзілася ў распараджэнні «беркутаўцаў». Паводле іх дадзеных, спецназаўцы пачалі пакідаць межы базы яшчэ месяц таму, пасля забойстваў на вуліцы Грушэўскага. Усяго за гэты час у самаволку пайшло каля сотні чалавек.
Цяпер чытаюць
Цягнік Пінск—Мінск спыніўся пад Дзяржынскам без ацяплення. Пасля прыбыцця ў сталіцу пасажыраў разабралі людзі з сацсетак і развезлі па хатах6
Каментары