Вучэнні пройдуць з 17 да 26 чэрвеня.
Будуць адпрацоўвацца пытанні дадатковага камплектавання вайсковых камісарыятаў шляхам прызыву ваеннаабавязаных на зборы з наступным іх удзелам у вучэнні ў складзе ваенкамаў, паведамляе Мінабароны.
Ваеннаабавязаныя будуць удасканальваць вайсковыя веды, асвойваць узбраенне і вайсковую тэхніку, вучыцца выконваць задачы, якія паступаюць ад кіраўнікоў вучэнняў і патрабуюць аператыўных рашэнняў і дзеянняў.
Плануецца адпрацоўка пытанняў апавяшчэння і яўкі вайсковаабавязаных і транспартных сродкаў у пункты папярэдняга збору. Будуць уручацца позвы аб неабходнасці прыбыцця ў пункты збору вайсковаабавязаных для зверак асабістых даных.
У перыяд вучэнняў побач з вайсковымі камісарыятамі і іншымі аб’ектамі базы правядзення мабілізацыі грамадзян і транспартных сродкаў могуць быць чутныя выбухі імітацыйных сродкаў і стрэлы халастымі боепрыпасамі. Таксама магчыма абмежаванне руху па асобных вуліцах, прылеглых да вайсковых камісарыятаў.
Беларускага Сінюю Бараду адпусцілі з расійскай турмы паміраць дома6
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары