У Беларусі прыпынены продаж антывірусных і крыптаграфічных праграм — загад ААЦ
Антывірусныя праграмы здольныя выяўляць на камп'ютарах траяны-шпіёны, а крыптаграфічныя — захоўваць інфармацыю ў шыфраваным выглядзе.
У Беларусі прыпынены продаж антывіруснага праграмнага забеспячэння. Гэта абумоўлена ўваходжаннем у сілу загада Аператыўна-аналітычнага цэнтра пры прэзідэнце. Загад ад 17 снежня 2013 года № 94 набыў моц 1 студзеня гэтага года.
Згодна з дакументам, з 1 студзеня 2014 года ў Беларусі падлягаюць дадатковай сертыфікацыі праграмныя сродкі абароны ад уздзеяння шкоданосных праграм і антывірусныя праграмныя сродкі. У сувязі з гэтым афіцыйныя продажы несертыфікаваных антывірусных прадуктаў прыпынены.
Апрача таго, згодна з загадам, разам са сродкамі праслухоўвання, абароны ад праслухоўвання, сродкамі крыптаграфічнай абароны інфармацыі і іншымі абавязковай сертыфікацыі падлягаюць таксама маршрутызатары і сістэмы кіравання сайтамі.
Прыпыненне рэалізацыі пацвярджаюць некаторыя беларускія афіцыйныя пастаўшчыкі антывірусных прадуктаў «Лабараторыі Касперскага», Symantec і іншых.
Кампаніі рыхтуюць і накіроўваюць дакументы на сертыфікацыю, чакаючы аднаўлення продажу ў хуткім часе.
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»36
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары