Украінскі тэнісіст Сяргей Стахоўскі ў калонцы для Sports Illustated тлумачыць сваё стаўленне да таго, што адбываецца ў краіне.
Тэнісіст, у прыватнасці, піша,
«20 лютага — дзень, калі крызіс абвастрыўся — змяніў гісторыю маёй краіны. Цана ў 70 забітых - вельмі высокая. Нічога не можа каштаваць даражэй, чым чалавечае жыццё: ні грошы, ні ўлада. Гэтая цана, якую заплацілі мае суайчыннікі, засталася незаўважанай. Яны паміралі за надзею на лепшую будучыню — будучыня, дзе прэзідэнт адказвае за свае ўчынкі, за сваю краіну і людзей. Дзе прэзідэнт не жыве жыццём мільянера на грошы народа. Дзе закон вышэй за ўсё. Дзе цэніцца годнасць і высакароднасць. Дзе хабарніцтва не з'яўляецца спосабам вядзення бізнесу.
У святле расійскага наступу на Крым абставіны яшчэ пагоршыліся. Калі мая краіна падумала, што будзе дыхаць свабодна, яе ўзяла ў закладнікі тая краіна, якой мы давяралі больш за ўсё.
Я не з усімі лозунгамі і дзеяннямі Еўрамайдану згодны. Але я ўпэўнены, што рэвалюцыя была адзіным шляхам змяніць маю краіну. Крым — частка Украіны, і нас абараняе Вялікабрытанія і ЗША, якія падпісалі Будапешцкі мемарандум.
Заўсёды будуць людзі, якія хочуць наставіць Украіну на шлях «нацыяналізму».
Але мы патрыёты, а не «нацысты» або «тэрарысты», як называюць нас расейскія СМІ.
Наш парламент павінен стабілізаваць сітуацыю і сысці — ён вельмі доўга быў пры ўладзе і не здольны змяніцца. Адзіная больш-менш зразумелая палітычная фігура на сёння — баксёр, які пайшоў у палітыку, Віталь Клічко. Але толькі людзям вырашаць, каму яны хочуць даверыць свае жыцці».
