Сёньня ў Менгарвыканкаме прайшла сустрэча заяўнікаў Сацыяльнага маршу (4 лістапада) са сталічнымі чыноўнікамі. Чыноўнікі адправілі заяўнікаў звыклым маршрутам.
На сустрэчы прысутнічалі Аляксандар Бухвостаў, Валеры Фралоў (БСДГ), Юры Хадыка (ПБНФ) і Міхаіл Пашкевіч (АГП). Менгарвыканкам даў дазвол на правядзеньне акцыі, але па звыклым маршруце — ад Акадэміі навук да Бангалору зь мітынгам у Парку "Дружбы народаў". Першапачаткова заяўнікі прасілі правесьці шэсьце ад Кастрычніцкай плошчы да Нацыянальнай бібліятэкі, але ім у гэтым адмовілі.
Валер Фралоў наступным чынам пракамэнтаваў рашэньне Менгарвыканкаму:
«Для мяне пазытыўным фактарам зьяўляецца тое, што дазвол мы атрымалі не за тры дні да акцыі, а амаль за два тыдні. Такім чынам, можна будзе разгарнуць большую агітацыйную кампанію. Мне падаецца, што апошнім часам людзі пачалі менш хадзіць на апазыцыйныя акцыі з той прычыны, што на іх няма дазволу. Думаю, што тут нам ня трэба ўпірацца і гнуць сваю лінію, а прыняць прапанову менскіх чыноўнікаў. Калі на акцыю выходзіла тысяч 50 чалавек, то мы б маглі нешта дыктаваць, але не ў такіх умовах. Заўтра пройдзе аргкамітэт па Сацыяльным маршы, дзе будзе прынятае канчатковае рашэньне пра маршрут. Асабіста я, Бухвостаў і Хадыка выступаем за тое, каб пайсьці на Бангалор», — сказаў В.Фралоў.
Цяпер чытаюць
Уводзяць адказнасць за прапаганду гомасэксуальнасці, бяздзетнасці, а таксама за незаконнае прадстаўленне Беларусі на міжнароднай арэне9
Каментары