Прэзідэнт Польшчы Браніслаў Камароўскі лічыць, што толькі ідыёт можа не бачыць пагрозы з-за апошніх падзей ва Украіне, частку якой з дапамогай вайскоўцаў захапіла Расія.
«Толькі ідыёт не лічыць, што не існуе ніякай пагрозы ў свеце, у тым ліку, каля Польшчы. Мы не з'яўляемся ідыётамі і лічым, што з аднаго боку не варта ўпадаць у істэрыку ( … ) але з іншага боку бачым тэндэнцыі (за ўсходняй мяжой), якія нас турбуюць», - сказаў ён.
Камароўскі заявіў, што Польшча можа сябе адчуваць бяспечнай дзякуючы ўваходжанню ў ЕС і НАТА, а таксама мадэрнізаванаму войску. Кіраўнік польскай дзяржавы адзначыў, што Польшча не мела такога моцнага пачуцця бяспекі як мінімум за апошнія 300 гадоў.
Разам з тым ён сказаў, што ўлада не можа спакойна назіраць за тым, што адбываецца ва Украіне і павінна актыўна рэагаваць.
Камароўскі таксама працытаваў лацінскі выраз: Si vis pacem, para bellum, які азначае, што «калі хочаш міру, то рыхтуйся да вайны».
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі4
Каментары