Каардынатар аргкамітэта па стварэнні партыі «Беларуская Хрысціянская Дэмакратыя» Таццяна Севярынец, якая назірае ў віцебску на 46-м участку, змагла сфатаграфаваць групу супрацоўніц дзіцячага садка №97, якія групай прыйшлі прагаласаваць датэрмінова.
Таксама, паводле яе, на ўчастку шмат вырашаецца працоўных пытанняў, не звязаных з выбарамі, міліцыянты спяць разам з выбарчымі скрынямі. На ўчастку рэзка вырасла розніца ў колькасці тых, хто прагаласаваў датэрмінова, паводле назіральнікаў і дадзеных камісіі: 87 па падліках назіральнікаў супраць 96 паводле камісіі.
«На ўсе гэтыя і іншыя парушэнні даводзіцца пісаць скаргі. З прычыны гэтага на мяне ўжо коса глядзець сябры камісіі», — адзначыла Таццяна Севярынец.
Яна таксама адзначыла, што на суседнім 47-м участку розніца ў колькасці тых, хто прагаласаваў, дасягнула шасці чалавек: у першы яна складала 4 чалавекі, а ў другі пасля скаргі — 2.
Больш за тое, на 46-м участку ў першы дзень датэрміновага галасавання на галасаванне дома запісалася 4 чалавекі, а на 47-м — 90. Розніца ў 22,5 разу!
Цяпер чытаюць
У пачатку 2000‑х трое настаўнікаў гісторыі збеглі ва Украіну ад «генацыду беларускага народа», які чыніў рэжым Лукашэнкі. Як склаўся іх лёс?10
Каментары