Галоўны апанент Орбана прызнаўся, што ўляпаўся ў сэкс-скандал. «Класічны кампрамат расійскага тыпу»
Петэр Мадзьяр зразумеў па паводзінах былой дзяўчыны, што іх сэкс пасля партыйнай вечарынкі быў запісаны на відэа.
Лідар венгерскай апазіцыі Петэр Мадзьяр папярэдзіў, што стаў ахвярай «класічнага кампрамату расійскага тыпу» і невядомыя людзі, звязаныя, з ягоных слоў, з кіроўнай партыяй і спецслужбамі, рыхтуюцца апублікаваць нібыта кампраметуючае інтымнае відэа з ягоным удзелам. Пра гэта Мадзьяр распавёў у звароце, апублікаваным у яго сацсетках у чацвер, піша Deutsche Welle.
Як распавёў палітык, 2 жніўня 2024 года яго партыя «Павага і свабода» (TISZA) арганізавала вечарыну для прыхільнікаў, пасля якой яго былая дзяўчына Эвелін Фогель запрасіла яго на іншую хатнюю вечарыну, і ён пагадзіўся.
А пятай раніцы яны прыехалі ў кватэру, дзе, як распавядае Мадзьяр, знаходзіліся незнаёмыя яму людзі, а на стале быў алкаголь і рэчывы, падобныя на наркотыкі.
«Я не дакранаўся да прадметаў на стале. Наркотыкі я не ўжываў. Праз некалькі хвілін мы з Эвелін прайшлі ў пакой і ўступілі ў добраахвотныя сэксуальныя адносіны», — распавёў палітык.
Паводле яго слоў, пазней па паводзінах Эвелін і шантажу яму стала відавочна, што ён стаў ахвярай «кампраметуючай аперацыі».
Свой зварот Мадзьяр апублікаваў пасля таго, як СМІ звярнулі ўвагу на вэб-сайт, які намякаў на хуткае раскрыццё інфармацыі аб нейкім інцыдэнце. На сайце былі размешчаны кадры з пакоя з двухспальным ложкам і надпіс «Хутка».
Мадзьяр сцвярджае, што за кампраматам стаяць людзі, звязаныя з прэм'ерам Віктарам Орбанам. «Я не дазволю Віктару Орбану і яго людзям тыднямі адцягваць увагу ад рэальнасці з дапамогай містыфікацыі. Вам не дапамогуць ні расейскія спецслужбы, ні плынь фальшывых відэа», — заявіў ён.
Кіраўнік адміністрацыі Орбана Гергелі Гуляш, адказваючы напярэдадні на пытанне аб вэб-сайце, сказаў журналістам: «Я не магу каментаваць тое, пра што нічога не ведаю». Прэс-сакратар урада Орбана Золтан Ковач не адказаў на пытанні Reuters, адпраўленыя па пошце.
У Венгрыі 12 красавіка адбудуцца парламенцкія выбары. Правацэнтрысцкая партыя Мадзьяра «Павага і свабода» (TISZA) апярэджвае кіроўную партыю прэм'ер-міністра Віктара Орбана «Фідэс» у большасці апытанняў.
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары
Пускай теперь Витек покажет как и с кем он коротае вечара и ночи!
І тут ахвяра) дзяўчыну і рэчавы мне падбросілі ворагі!