«Мы пайшлі на шмат кампрамісаў». Зяленскі выказаўся пра саступкі пад ціскам ЗША
«Пуцін і ягоныя сябры не ў турме. Гэта самы вялікі кампраміс, на які свет ужо пайшоў», — сказаў прэзідэнт Украіны.
Прэзідэнт Украіны гаварыў з журналісткай выдання Politico падчас канферэнцыі па бяспецы ў Мюнхене, піша Бі-бі-сі.
«Ёсць некаторыя сігналы ад амерыканскага боку, ад прэзідэнта Трампа. Яны кажуць: «Прыйшоў час кампрамісаў. Вы можаце зрабіць некаторыя крокі наперад».
Мы пайшлі на шмат кампрамісаў. Пуцін і ягоныя сябры не ў турме. Гэта самы вялікі кампраміс, на які свет ужо пайшоў», — адказаў Зяленскі.
Ён патлумачыў, што пад ціскам ЗША Кіеў пагадзіўся пайсці на спыненне агню без усялякіх папярэдніх умоў, але Расія гэтую прапанову адхіліла.
У пятніцу Дональд Трамп заявіў, што Расія хоча пайсці на ўгоду для заканчэння вайны і Зяленскі таксама павінен праявіць такое жаданне.
Што яшчэ Зяленскі сказаў у інтэрв'ю Politico:
«Думаю, што Пуцін таксама ў цяжкім становішчы. Я магу гаварыць з вамі, паціскаць рукі. І я не баюся. І я хачу быць свабодным чалавекам. І хачу змяніцца пасля палітыкі, пасля ўсяго. І я тут. Я свабодны чалавек. І я маладзейшы, чым Пуцін, хіба не? [Смех] Не-не, паверце, гэта важна. У яго не вельмі шмат часу. Дай бог, не занадта шмат часу».
У адказ на пытанне, на каго ЗША ціснуць больш — на Украіну ці Расію:
— Думаю, што спрабуюць ціснуць на абодва бакі.
— Што вы пра гэта думаеце?
— Што я думаю? Гэта ўжо занадта, народ. Пры ўсёй павазе. Ёсць некаторыя думкі, якія я павінен пакінуць пры сабе.
-
Зяленскі правёў кансультацыі з камандзірамі карпусоў і доўга размаўляў з Фёдаравым. Фёдараў: Дыялог ёсць, веру, што ўсё ўдасца
-
Жонка закаціла скандал, а ён усё адно паехаў у акопы. Гісторыя беларуса, які апынуўся на вайне праз даўгі і страх страціць жыллё
-
Пасля атакі па двух складах Wildberries маглі пацярпець да 15% складскіх плошчаў кампаніі
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары