Kaardynatar arhkamiteta pa stvareńni partyi «Biełaruskaja Chryścijanskaja Demakratyja» Taćciana Sieviaryniec, jakaja naziraje ŭ viciebsku na 46-m učastku, zmahła sfatahrafavać hrupu supracoŭnic dziciačaha sadka №97, jakija hrupaj pryjšli prahałasavać daterminova.
Taksama, pavodle jaje, na ŭčastku šmat vyrašajecca pracoŭnych pytańniaŭ, nie źviazanych z vybarami, milicyjanty śpiać razam z vybarčymi skryniami. Na ŭčastku rezka vyrasła roźnica ŭ kolkaści tych, chto prahałasavaŭ daterminova, pavodle naziralnikaŭ i dadzienych kamisii: 87 pa padlikach naziralnikaŭ suprać 96 pavodle kamisii.
«Na ŭsie hetyja i inšyja parušeńni davodzicca pisać skarhi. Z pryčyny hetaha na mianie ŭžo kosa hladzieć siabry kamisii», — adznačyła Taćciana Sieviaryniec.
Jana taksama adznačyła, što na susiednim 47-m učastku roźnica ŭ kolkaści tych, chto prahałasavaŭ, dasiahnuła šaści čałaviek: u pieršy jana składała 4 čałavieki, a ŭ druhi paśla skarhi — 2.
Bolš za toje, na 46-m učastku ŭ pieršy dzień daterminovaha hałasavańnia na hałasavańnie doma zapisałasia 4 čałavieki, a na 47-m — 90. Roźnica ŭ 22,5 razu!
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary