У рэстаўрацыі і ўстаноўцы лавы ўдзельнічалі актывісты КХП‑БНФ і скульптар Алесь Шатэрнік.
Пра гэта БелаПАН паведаміў адказны сакратар Кансерватыўна‑Хрысціянскай партыі — БНФ Алесь Чахольскі. Паводле яго слоў, аўтэнтычныя фрагменты разбітага знака змацаваныя вянком. У рэстаўрацыі і ўстаноўцы лавы ўдзельнічалі актывісты КХП‑БНФ і скульптар Алесь Шатэрнік.
«Аднаўленне памятнага знака з’яўляецца вялікай справай, бо народ Амерыкі памятае аб тым, што адбывалася на тэрыторыі Беларусі ў гады сталінскіх рэпрэсій. Для нас «лава Клінтана» з’яўляецца сімвалічнай, як і Крыж пакутаў, апаганены вандаламі — нашчадкамі тых, хто ў Курапатах расстрэльваў нашых продкаў. Вось чаму апаганшчыкамі ўрочышча кіруе ненавісць да гэтых сімвалаў веры ў незалежную і свабодную Беларусь», — сказаў А.Чахольскі.
Лава з надпісам «Ад народу ЗША народу Беларусі дзеля памяці» была ўстаноўлена ў 1994 годзе падчас візіту ў Беларусь прэзідэнта ЗША Біла Клінтана. У інтэрв’ю БелаПАН кандыдат гістарычных навук Ігар Кузняцоў зазначыў, што за мінулыя 13 гадоў «лава Клінтана» 12 разоў была апаганена невядомымі. Апошні раз гэта адбылося ў канцы студзеня — на пачатку лютага гэтага года, калі памятны знак быў расколаты. Звароты І.Кузняцова ў міліцыю былі безвыніковыя: асобы, якія апаганілі мемарыял, не ўстаноўлены.
Цяпер чытаюць
Маўрыкій, Сейшэлы, Шры-Ланка і не толькі: паглядзелі, куды збеглі ад беларускіх маразоў праўладныя артысты і вядучыя13
Каментары