Луганская аблрада патрабуе ад ВР і Кабміна правесці рэферэндум аб дзяржаўным ладзе Украіны і дзяржаўным статусе расійскай мовы. Пра гэта гаворыцца ў звароце да ВР і Кабміна, прынятым аблрадай у пятніцу.
«У бліжэйшыя дні павінен быць абвешчаны Усеўкраінскі рэферэндум па дзвюх пытаннях: аб дзяржаўным ладзе Украіны з максімальнай перадачай уладных паўнамоцтваў у рэгіёны і аб дзяржаўным статусе расійскай мовы», — гаворыцца ў звароце.
«Неабходна да 9 мая прыняць закон аб амністыі і непрыцягненні да адказнасці байцоў спецпадраздзяленняў «Беркут», «Альфа» і ўнутраных войскаў, вайскоўцаў, а таксама аб прававых гарантыях непераследу актывістаў і ўсіх удзельнікаў акцый пратэсту, захопаў адміністрацыйных будынкаў на ўсходзе краіны з наступным іх раззбраеннем», — сказана ў заяве.
«Мы папярэджваем: адсутнасць кампрамісаў вядзе да знішчэння не толькі дэмакратыі, але і дзяржавы як такой», — гаворыцца ў дакуменце.
«Гэта — нашы патрабаванні, ад якіх мы не адступім, бо на іх выкананні настойваюць мільёны людзей», — падкрэслілі дэпутаты.
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя13
Каментары